Монгол Улсад хувийн өмч, бизнесийг хуулиар зөвшөөрөн чөлөөт өрсөлдөөн бүхий эдийн засгийн тогтолцоог сонгосноос хойших гуч гаруй жилийн хугацаанд цоо шинэ нийгэм, хэрэглээ, соёлыг бүтээн бий болгосон бизнес эрхлэгчид бол өнөөгийн хөгжлийг бүтээлцсэн эрхмүүд юм. Та бүхэн тасралтгүй шинэ санааг эрэлхийлж, оюуны өмч, патент, технологийг бүтээж, бусдад ажлын байр гаргаж, цалин олгож, ер цоо шинэ бүхнийг монголчууддаа таниулахад үлэмжийн хувь нэмэр оруулахдаа алдаа онооны төлөөсөөр асар их туршлагыг туулсан амьд номууд билээ. “Монголика” сэтгүүл 2024 оны дөрвөн дугаартаа үндэсний компаниудын ердөө нэг хувь болох 12 компанийн захирлыг “Mongolian business highlights” буландаа онцлон үнэн түүх, үнэт зүйл, үзэл бодлыг нь хуваалцах нэр хүндийн индэр болон ажиллах болно.